സ്വാതന്ത്ര്യദിനം ആഘോഷിച്ചു.
നായ്ക്കയം ഗവണ്മെന്റ് വെല്ഫെയര് ലോവര് പ്രൈമറി സ്കൂളില് സ്വാതന്ത്ര്യദിനം ആഘോഷിച്ചു.രാവിലെ അദ്ധ്യാപകരുടെയും രക്ഷിതാക്കളുടെയും കുട്ടികളുടെയും സാന്നിദ്ധ്യത്തില് ഹെഡ്മാസ്റ്റര് പതാക ഉയര്ത്തി. തുടര്ന്ന് നടന്ന പൊതുയോഗത്തില് അധ്യാപക രക്ഷാകര്ത്തൃ സമിതി വൈസ് പ്രസി. ശ്രീ കൃഷ്ണന് അധ്യക്ഷം വഹിച്ചു. ഹെഡ്മാസ്റ്റര് സ്വാഗതം പറഞ്ഞു .വിദ്യാര്ഥികളായ അനഘ,ആദര്ശ്,ശ്രീശാന്ത് കെ വി,വീണ രാമകൃഷ്ണന്, മദര് പി ടി എ പ്രസിഡന്റ് ആശ,മുന് പി ടി എ പ്രസിഡന്റ് ഷിജു ഫിലിപ്പ്,ബി ആര് സി പ്രതിനിധി ഷൈനി ഫിലിപ്പ് എന്നിവര് ആശംസകള് നേര്ന്നു. കുട്ടികള് ദേശഭക്തി ഗാനം പാടി.
അതിനു ശേഷം നടന്ന ക്വിസ് മത്സരത്തില് രക്ഷിതാക്കളും കുട്ടികളും വാശിയോടെ പങ്കെടുത്തു.കുട്ടികളുടെ ക്വിസ് മത്സരത്തില് ശ്രീശാന്ത് കെ വി ഒന്നാം സ്ഥാനവും രാഹുല് സുരേന്ദ്രന് രണ്ടാം സ്ഥാനവും നേടി. രക്ഷിതാക്കളുടെ ക്വിസ് മത്സരത്തില് കവിത രാമകൃഷ്ണന് ഒന്നാം സ്ഥാനവും രാധ സുരേന്ദ്രന് രണ്ടാം സ്ഥാനവും നേടി. തുടര്ന്ന് ജിതേഷ് മാസ്ര് കുട്ടികള്ക്കായി ക്ലാസ് നടത്തി. സമ്മാനദാനത്തിനു ശേഷം പായസത്തിന്റെ മധുരം നുണഞ്ഞ് ഈ വര്ഷത്തെ സ്വാതന്ത്ര്യദിനാഘോഷത്തിന് തിരശീല വീണു.
No comments:
Post a Comment